PaUTANG INA!!!

Ina 1: ALam mo si ano, may ano pala yun!

Ina 2: Talaga? Si ano? Ano pala siya! Akala ko ano lang, ano niya na pala yung lagi niyang kasama.

Ina 1: Oo nga eh! Nagulat nga ako dun sa ano niya. Anong palagay mo?

Ina 2: Palagay ko, ano siya… 

 

      Yes, favorite past time ng karamihan sa mga ina eh ang paghalukay at mang-intriga ng buhay ng may buhay. Ngunit, subalit, datapwat, pero, alam niyo ba ang isa pang peborit topic nila maliban sa anak sa labas ng kapatid ng kapitbahay ng biyenan ng asawa nila? ‘Yun eh ‘yung mga sarili nilang anak…

       May nakasakay ako sa jeep na mga ganyang ina. Una eh mga buhay ng may buhay ang pinag-uusapan pero nang sabihin nung isa na ‘yung anak niya ay ganitong honor, akala mo eh sinapian na nila Tito, Vic and Joey kung magpayabangan. “Wala yang anak mo sa anak ko.” Gusto mo nang pruweba? Ito…

Ina 1: Ay, alam mo yung anak ko? Muntik nang mapasali sa ganito, nahuli lang siyang makapagpasa ng ganito-ganyan.

Ina 2: Ay! ‘Yung anak ko, muntik nang makasama sa Baguio para sa gantong contest.

Ina 3: Wala yang mga anak niyo sa anak ko. Muntik na siyang maging Top 1.

Ina 1&2: Pano?

Ina 3: Eh nung sinabi yung Top 1 nila, yung katabi niya yung tinuro eh. Di ba? Muntik na.

 

    Nyeeeeh!. Kung makapagyabangan eh no. Pero ganun ata talaga mga nanay eh no?.  Sa sobrang pagmamahal nila sa mga anak nila eh hindi nila mapigilang ipagyabang tayo. Ika nga eh “love your own”. Kaya kayo, love your mothers.